Безнең уңышларыбыз!

«Балаларда туган телдә белем һәм тәрбия бирү буенча иң яхшы балалар бакчасы» республика бәйгесенең беренче этабында катнашып безнең балалар бакчасы җиңү яулады һәм бәйгенең алдагы этабына ия булды. Бәйгенең беренче этабында жюри балалар бакчасында туган телдә белем һәм тәрбия бирү торышы турында электрон мәгълүматлар белән таныштылар, икенче этабында жюри комиссиясе республикада җиңгән балалар бакчаларына чыгып бу юнәлештә эшчәнлекне өйрәнделәр. Безнең балалар бакчасында да балалар белән эш, методик эш, күргәзмә материаллар, документация каралды. Без бу бәйгенең алдагы этабында да сынатмадык! «Туган (татар) телдә белем һәм тәрбия бирүне оештыра торган иң яхшы балалар бакчасы» республика бәйгесендә безнең 2 нче санлы «Ромашка» балалар бакчасы җиңү яулады!

Актаныш районы, Актаныш авылы, № 2 «Ромашка» балалар бакчасы тәрбиячесе Гайнуллина Гөлназ Рәсүл кызы